明报：韩马利从舞蹈员...

明报：韩马利从舞蹈员跳到幕前 初拍剧被李家鼎狂骂“蠢到死”

韩马利（Mary）近日接受谭玉瑛（阿谭）、何基佑及黄筠儿主持的新城《QK玉瑛室》节目访问，忆述入行经历。韩马利自小热爱跳舞，入行前曾是一名舞者。

她说︰“我妈咪係教书嘅，佢觉得有书唔读去跳舞有咩发展？不过，佢反对之下好民主，而且我细个代表好多学校去攞奖，又代表全香港去比赛、1970年喺日本世界博览会嘅香港馆表演，我同查理斯王子影过相㗎！”

韩马利后来在母亲安排下到英国升学，但她不喜欢读书，一年后购买机票独自回港，令母亲非常生气。她说︰“我返到香港就同周梁淑怡（Selina）个女补习，我妈咪同佢讲个女读唔成书好冇用，Selina提议我入TVB做PA。见工时，孙郁标见我跳舞攞咁多奖，觉得唔跳就嘥咗。咁啱公司唔够舞蹈员，佢问我可唔可以去跳舞。我妈咪就係唔想我跳舞，点知Selina出口，我妈咪就应承畀我跳一年，PA有位就转番过去。我之后就好自然咁转到幕前，真係无心插柳柳成荫。”

1976年，韩马利首次拍剧，在《陆小凤》中担任女主角。她坦言当年未读过训练班，拍摄时常被李家鼎骂。韩马利说︰“以前拍功夫片，有一段时间好锺意用拳脚，除咗吊威吔或者好高跳落嚟，否则全部自己做，冇替身。我嗰时边有学过，临时拍临时学，入到厂学完要即刻拍。你知李家鼎几恶，我直情打到出厂呕，呕完仲要畀佢闹‘蠢到死’。不过佢个人心地好好，好关心人，只係性格係咁。”

与杜燕歌结婚35年，韩马利笑言与丈夫十分不相衬︰“我哋简直係南辕北辙，无论係我哋嘅思想、生活习惯、锺意嘅嘢都完全唔一样，冇拗撬时就好，如果碰到底线，我会话再讲我会发火，咁大家就唔出声；我同佢都30几年，由好难磨合，到依家都彼此尊重对方。”

网址：明报：韩马利从舞蹈员... https://mxgxt.com/news/view/979076

相关内容

韩马利：从舞蹈到演艺的传奇人生
演员韩马利
240504 南韩舞蹈女团 成员Ha Yoon直拍
香港演员韩马利成名史 如今同林峯配音恩爱二十年
韩马利
老戏骨韩马利，重新遇到爱情，重新拾起演员旧业！
了不起的宋茜：放弃成为国家级舞蹈演员，赴韩发展惊艳了整个南韩
韩马利个人资料年龄 韩马利被TVB降薪是怎么回事
韩马利个人资料及近况和图片 韩马利老公是谁
她放弃成为国家级舞蹈演员，看宋茜在韩国的那些事儿！

随便看看