內地發展順利高鈞...

发布时间：2024-12-12 02:14

內地發展順利高鈞賢望拍港劇講廣東話

　高鈞賢（Matthew）3年前離港返內地發展，終於捱出成績，在多個內地劇成為第二男主角，年前還在港開設居酒屋搵真銀，早前他回歸香港出席「瑞士天梭表第18屆亞洲運動會倒數25天」活動，趁機向港迷報告近況，他表示雖然以內地巿場為主，但有機會仍想返港開工，始終講廣東話演戲感覺更加親切。採訪：杜淑霞

　　不經不覺 Matthew已返內地發展3年，原來他當日離開，連電話號碼都轉埋，「我嗰時諗想重新開始，就要放低晒呢度嘅所有嘢，有心搵我嘅人一定有方法搵到，就當係我同朋友之間嘅一個考驗，所以保持聯絡嘅真係好好朋友。」

買樓先諗結婚

　　果然有心一定會搵到，包括這日活動的主辦單位，一樣搵到已簽約內地經理人公司的Matthew出席，「我都好開心，香港仲有人記得我，仲要係亞運咁有意思嘅活動，我本身都好鍾意運動，特別係打籃球，今次都會留意睇亞運。」問到之後會否再返港工作，他坦言有適合工作都希望接，「講廣東話工作，係會多份親切感嘅，自己當然想啦！」談到已屆34歲適婚年齡，Matthew 就話未有計劃同圈外女友Chika拉埋天窗，「我o依家多數住喺上海或者北京，女朋友同父母間中都會上嚟陪我，o依家都係努力搵下錢先，我想喺香港同內地都有物業，到時先再諗婚姻大事啦！」

网址：內地發展順利高鈞... https://mxgxt.com/news/view/168128

上一篇：全明星联盟内购破解版下载v1.1

下一篇：夫妻檔直播介紹遊檳城...